Алматыда үшемнің ата-анасы іздестірілуде

Алматыда үшемнің ата-анасы іздестірілуде. Бүлдіршіндер көше кезіп жүрген жерінен табылған.

Тілі шыға қоймаған балақайлар ата-анасының кім екенін және қайда тұратынын айта алмайды. Бүлдіршіндерді Көкжиек ықшамауданындағы үйлердің бірінің ауласында жүрген жерінен тұрғындар тауып алып, полицияға хабар беріпті. Қалалық 2 клиникалық балалар ауруханасына жеткізілген  сәбилердің денсаулықтары қалыпты. Дәрігерлердің айтуынша, тауып алған кезде олардың үстіндегі киімдері тым жұпыны болған. Соған қарағанда үшемдерді ата-аналары әдейі тастап кетуі мүмкін деп те жорамалдап отыр. Бір айдың ішінде ауруханаға осындай жағдаймен 4 жеткіншек түскен. Дәрігерлер сәбилер туралы қандайда бір ақпарат білетін адамдардан хабар күтеді.

Әсел Төлендиева, №2 қалалық клиникалық балалар ауруханасының дәрігері:

- Ауруханаға түнгі сағат 12-лер шамасында ешқандай құжатсыз түсті. Есімдерін айта алмағандықтан біз оларға Айсұлу, Жансұлу, Күнсұлу деп ат қойдық. Егер де олардың ата-аналары табылмаған жағдайда құжаттары рәсімделіп, балалар үйіне жөнелтілетін болады.