Қаланың шетінде жаңадан ашылған емханада заманауи диагностика бөлімі іске қосылады. Жергілікті жұрт қуанышқа кенелді — енді кез келген дертті ерте анықтап, алдын алуға мүмкіндік бар. Бөлімшеге басшылық етуге Астанадан жас, бірақ тәжірибелі дәрігер келеді. Ол артында табысты мансап пен жүрек жарасын қалдырып, жаңа өмір бастауға бел буған. Жаңа ортада ол бәрін таңғалдырып, бірден ұжымның сүйіктісіне айналады. Бірақ... тыныш өмір ұзаққа созылмайды. Екі түрлі мінезді ару — педиатр мен емхананың бас есепшісі — екеуі де бір ер адамға ғашық болып, күрделі сезімдер шырмауына түседі.