Үш алматылық Аян, Дос, Ару бір мектепте оқыған. Жоғары оқу орнын оқып бітірген Аян мен Дос бір құрылыс компаниясына жұмысқа орналасады. Екеуі мектептен бері Аруға ғашық. Уақыт өте келе, Аян мен Достың арасында бәсекелестік пен қызғаныш оты лаулап жанады. Кішкентайынан еңбекқор, сымбатты Ару өзінің туа біткен қабілетінің арқасында сұлулық салонын ашып, ол Алматыдағы ең танымал салонның біріне айналады. Ал Аруды бес жасынан бері жалғыз өзі өсірген шешесі Раушан ауыр дертке шалдығып қайтыс болады. Анасынан айырылған Ару ұзақ уақыт күйзеліске түсіп, анасының көзі тірісінде ашып, басқарған тігін цехының жұмысы тоқырауға ұшырайды. Тура осы мезетте Аруға ғашық жігіттердің бірі көмекке келеді.