Табиғат апаты Жалалабад облысында болған. Оны сондағы малшылар ұялы телефонына түсіріп алыпты. Топырақ көшкіні мұндағы 6 бірдей үйді басып қалып, бір бала ұшты-күйлі жоғалған. Тез арада елдің төтенше жағдайлар қызметі мен ауыл тұрғындарынан құралған 200-ден астам адам жабылып сол баланы іздеуге кіріскен. Алайда, жеткіншектің өлі денесі қалың топырақтың арасынан табылыпты. Айта кетейік, бір апта бұрын дәл сол жерде 2 жарым миллион текше метрді құрайтын тағы бір лай көшкіні жүрген еді.