Бұрынғы қала әкімінің орынбасары Айдар Телғарин өзіне кесілген 3 жылдың бір жылын ғана отырып шықты. Индустриялды парк бастығының экс орынбасары Оразалы Айменбетов те бөтеннің мүлкін жымқырғаны үшін 3 жарым жылға кесілген. Рақымшылық осы парктің бұрынғы басшысы Анотолий Ессеге де бұйырды. Ол да қыруар қаражатты қолды қылғаны үшін 5 жылға сотталған. Орайы түсіп мерзімі қысқарған ол, түрмеде отыруы тиіс қалған уақытының орнына жарты миллион теңге айыппұл төлепті. Рақымшылықтан Ахметовтың өзінің қандай дәмесі бар жоғы әзірге айтылған жоқ.