{metadescription}
Павлодарда шұңқырдан табылған бүлдіршін үш күн бойы аш жатқан
Павлодарда шұңқырдан табылған бүлдіршін үш күн бойы аш жатқан

Павлодарда шұңқырдан табылған бүлдіршін үш күн бойы аш жатқан

Павлодарда үш күн бұрын жоғалған бала шұңқыр ішінен тірі табылды. 4 жасар бүлдіршін әскери-техникалық мектеп оқушылары жаттығатын окопқа түсіп кеткен. Содан осы уақытқа дейін тоңып-шашырап, аш жатыпты. Айғайлап көмек шақырғанымен, онысын ешкім естімеген. Ал баланың жоғалғанын полицияға оның анасымен тұратын ер адам хабарлады. Әйелдің өзі бір аптадан бері арақтан бас көтермей жатыр екен. 

Бүлдіршінге іздеу жариялаған тәртіп сақшылары алдымен оның үйінің маңын түгел шарлап шыққан. Баланы тәулік бойы іздеген полицейлер ақыры оны мына шұңқырдан тапты. Әскери-техникалық мектеп оқушылары жаттығатын окопқа түсіп кеткен бала мұнда үш тәулік түнеген.

Баян Мағзұмова, Павлодар облысы ІІД баспасөз хатшысы:

-300-ден астам полиция қызметкерлері мен әскери қызметшілер қатысты. Сонымен қатар қызметтік иттер де пайдаланылды. Түні бойы іздеп таңғы сағат сегіз жарымның кезінде бала автодромның ішінде табылды. Ол шамасы екі метр шұңқырдың ішінде отырған.

Қатты жаурап, қарны ашып қалғаны болмаса, кішкентай Артур дін аман. Ауруханаға жеткізілген оның жағдайы қазір жақсы. Екі метрлік шұңқырда үш күн түнеген бүлдіршіннің өзі айғайлап көмек шақырдым дейді. Бірақ мұнда тірі жан келмепті. 

Ал баланың анасы ұлы түгілі өзінің қайда қалғанын білмейді. Араққа сылқия тойып алған әйел аяғын әрең басады. Тілі күрметілген удай мас оны тіпті дәрігерлер айықтыра алмай әлек.

Владимир Малыхин, жедел жәрдем қызметінің дәрігері:

-Келіншек тоғыз күннен бері ішімдікке салынған. Жағдайы онша емес. Ауруханаға жеткізіп айықтырамыз. 

Күштеп емдеткеннің нәтижесі болар-болмасы белгісіз. Бір анығы, араққа салынып, баласын іздемек түгілі, есіне де алмаған келіншектің мәселесін енді полиция қарамақ.

Ұлына бас-көз болмаған әйелге қатысты әзірге тек әкімшілік хаттама толтырылған. Кәмелетке толмаған баланы тәрбиелеуге қатысты өз мiндетін дұрыс атқармаған азаматша енді бұл қылығы үшін істі болуы да мүмкін. Қазір полицейлер оны аналық құқығынан айыру үшін құжаттар дайындауда. Ал 4 жасар Артурдың өзіне балалар ауруханасында ем-дом жасалып жатыр.

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.