{metadescription}
Жанжал: Жүргізушілерді шошытқан Назарбаев атындағы әуежайдың автотұрақ бағасы өзгермейтін болды
Жанжал: Жүргізушілерді шошытқан Назарбаев атындағы әуежайдың автотұрақ бағасы өзгермейтін болды

Жанжал: Жүргізушілерді шошытқан Назарбаев атындағы әуежайдың автотұрақ бағасы өзгермейтін болды

Екі күн ішінде жүз мыңдап шот алған азаматтардың оқиғасы, қалғандарына сабақ дейді Астана әкімдігі. Ал қомақты төлеммен келіспей, дау шығарған әнші-әртістер болса жауаптан оңай құтылды. Олардың танымалдылығын ескеріп, елордалық шенеуніктер жеңілдік жасапты. Бірақ онсыз да қалтасы тайыз басқа жүргізушіге әкімдік бұлай жұмсара бермейді.

-Вот мы вчера парковались. Нам сейчас выставляют счет 57 тыс. Это правда?

-Да это правда!!!

Бұл соманы көргенде өз көзіне өзі сенбеген әнші Қайрат Баекенов естен тана жаздады. Өйткені темір тұлпарын 1 жарым тәулік тұраққа қалдырғаны үшін 57 мың төлеуі керек. Тойларда ең сұранысқа ие танымал  актер Нұрлан Әлімжан да, паркоматтағы бағаны көргенде шошып кетті.  Белгілі тележүргізуші Дана Нұржігітпен бір көлікке мінген одан, паркомат қыруар қаржы талап еткен.

- Екі күнге 102 мың теңге төлеп, біз үшеуміз аң-таң болып тұрмыз.

Әуежай тұрағы тарифтерінің неліктен әуелеп тұрғанын Астана әкімдігінде түсіндірді. Назарбаев су жаңа терминалы ақылы тұрақ үшін ақыны тамыздың тоғызынан ала бастапты. Темір тұлпарын терминалда байлап кететіндерге тәулігі екі мыңдық жабық паркинг бар. Әуежай ғимаратынан алшақтау жерде тегін тұрақ та қарастырылыпты. Ал әртістердің аузы күйгені – уақытша автотұрақ. Оның алғашқы жарты сағаты тегін, бір сағаты 300, екі сағаты 400, ал тәуліктетсең, яғни 7-8 сағаттан артыққа қалса басқа тарифпен - сағатына 1500-нан 2500 теңгеге дейін төлейсің. Сондықтан жауаптылар хабарландыруды оқымайтын жүргізушілердің өзін кінәлап отыр.

Әбдіхамит Тамабаев, «Астана LRT» ЖШС Жолаушылар көлігі  бөлімінің маманы:  

-Менің көңіл аударайын дегенім, шлагбаум тұр ғой. Онда барлық сағаты жазылып қойған. Шлагбаумның өзінде жазылып қойған. Оны енді оқымай кету мүмкін бе, білмеймін.

Ал адамдар тегін тұрақ туралы естімедік деп азар да безер. Алдымен ақылы автотұрақ туралы мәлімет алдымыздан шығады дейді. Бір қызығы, қатардағы жүргізушілерге жылы қабақ танытпайтын әкімдік бүгін әртістердің алдында құрдай жорғалады. Олардың танымалдығы әсер етті, әйтеуір қымбат айыппұлды кешіре салыпты.       

Рустам Халилев, "Астана LRT" ЖШС төрағасының көлік бойынша орынбасары:

-Ол азаматтармен түсіндірме жұмыстары жүргізілді. Тарифтерді көрмедік дейді. Сондықтан екі мың теңге ғана төлетіп, тұрақтан шығардық. Сонымен бірге талаппен таныстық деген қолхат алды. Бұл адамгершілік тұрғысынан дұрыс деп ойлаймыз.

-Бір анығы автотұрақ үшін  әуежайдағы баға өзгермейді. Енді қалта қалың болмаса, нысанға көлікпен бару мүлдем тиімсіз. Оның үстіне тегін деп жар салған тұрақта орын бола бермейді. Ал астаналық шенеуніктер енді әркімнің көңіліне қарап,  адамгершілікке сала бермейді . Заң тілімен сөйлеспек. Сондықтан бүгін әртіске жасалған кешірім, ертең өзгеге жүрмейді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.