{metadescription}
Қырғыз-қытай шекарасындағы кедендік тәртіпті үкіметаралық комиссия тексермек
Қырғыз-қытай шекарасындағы кедендік тәртіпті үкіметаралық комиссия тексермек

Қырғыз-қытай шекарасындағы кедендік тәртіпті үкіметаралық комиссия тексермек

Қырғыз-қытай шекарасындағы кедендік тәртіптің сақталуын екі елдің үкіметаралық комиссиясы тексеретін болды. Қырғыз кеденшілері сауданы әділ жүргізбейді деген күдік бар. Кеше Астанада өткен Бақытжан Сағынтаев пен қырғыз премьері Сапар Исаковтың келіссөздері осындай тоқтаммен бітті. Қырғызстаннан келген үлкен делегация, табандап отырып алып, түнгі 12-де әйтеуір Сағынтаевты шекарадағы тәртіпті жеңілдетуге көндіріпті. Бірақ, Қазақстанның өз шарттары бар. Олар туралы Азамат Алдоңғаров баяндайды.

Он күн бойы шекарада сақталған қарбалас, қырғыз делегациясының келіп кетуімен-ақ шешілді. Ары-бері қатынастың айтарлықтай жеңілдеп шыға келгенін Қырғызстанның бірінші вице-премьері Толқынбек Әбдіғұлов мәлімдеп жатыр. Көршілер Қордай бекетінен емін-еркін өтіп жатқан көрінеді. Қазақстан сөзінде тұрды.

Бақытжан Сағынтаев, ҚР Премьер-министрі:

-19-шы қазан, сағат 12:00-ден біз мемлекеттік шекарадан, әсіресе Қордай бекетінен келесі азаматтардың жеңілдетілген тәртіппен өтетіні туралы келістік.Қол жүгі бар жеке тұлғалар, жолаушылар тасымалдайтын автобустар мен жеңіл көлік, жүгі жоқ ауыр көліктер қатаң тексеріссіз шекара кесіп өте алады. 

Ендігі кезек, Қырғызстанда. Шәй десіп көрмеген бауырлас халықтың шала бүлінуі Қырғызстандағы президенттік сайлаудан басталған-ды. Қауіпсіздік үшін деген көршіміз, іргесін бекітіп, біздің азаматтардың өтуін қатаңдатты. Қазақстан да қатаң шараға барды. Бірақ мүлдем басқа себептермен. 

Тимур Сүлейменов, ҚР Ұлттық Экономика министрі:

– Кедендік әкімшіліктің қатаң жүргізілмеуінен қытайлық тауарлар Қырғызстан аумағына декларацияда бағасы төмендетіліп көрсетіп кіріп, одан бізге, әрі қарай Ресейге кетеді. Бұл импорттық кеден, қосымша құн салықтарының қазынаға толық түспеуіне алып келеді. Одан кейін аспан асты елінен арзан келген өнімге отандық кәсіпкерлер бәсеке бола алмайтыны белгілі. Қырғыз тарабы бұл сұрақты тамаша түсініп отыр. Сондықтан жұмыс тобы осы мәселеге басымдық береді.

Екі ел алыс-берісінің кем тұстарының аяқ асты ашылып қалуын кей сарапшылар қырғыз басшысы Алмасбек Атамбаевтың бақпай сөйлеген сөзімен байланыстыруда. Ал біздің шенеуніктер бұл сұраққа қатысты пікір білдіруден қашқақтайды.

-Ал неге бұл Атамбаев мәлімдеме жасаған кезде ғана анықталды? –Я сейчас опоздаю, мне надо у премьера, в 11 часов совещание...

Еске салсақ, өткен апта қырғыздар жаңа президентін таңдады. Ал көрші елден 30 адам сайланып, делегация боп келуі алдағы серіктестіктің бағытын айқындап, сағат теңестіру десе болады.Бірінші вице-премьерлердің жетекшілігімен құрылған үкіметаралық жұмыс тобы бес күн ішінде экономикалық қарым-қатынастың жол картасын бекітеді. Сайлау өткіземіз деп, саудасын түсіріп алған көршінің премьері түнгі келіссөзден тоқ көңілмен еліне кетіпті. Ал Қырғызстанның бірқатар министрлері әлі де Астанада.

Кеше

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.