Ақиқатқа айналған аңызға өз көзімен көріп иланған америкалық журналист Жосая Блэр әр сәт сайын таңданысын жасырмайды. Себебі, осыдан 20 жыл бұрын Астанаға алғаш табан тіреген оның есінде тек ескі үйлер мен шексіз дала жатталып қалған. Бірақ күн санап дамыған қала қазір адам танымастай өзгерген. Оны жоба барысында Астанамен кіндігі байланған тұрғындардың өздері де айтып береді. Олардың арасында теміржолшы, саясаткер, спортшы, дәрігер, тіпті қарапайым құрылысшы да бар. Әсіресе, КТК арнасы мен «Strana Media Team» студиясының шығармашылық ұжымы тарихи кадрларға тіл бітіріп, өткен шақ пен бүгінді шебер шендестірген. Ал Астананың қазіргі келбетін болашақпен астастырған графикалық жұмыстар көрген жанға еріксіз таңдай қақтырады. Айта кетейік, арманға жетелейтін ауқымды жобаны Тұңғыш Президент қоры ұсынып отыр.

Евгения Сакенова, «Strana Media Team» студиясының продюсері:

-Бұл сайтта Астанамен өмірі біте қайнасқан жандардың жүрек жарды лебіздері топтастырылған. Әрі заманауи техниканың мүмкіндіктері қолданылған.  Тіпті, сайты қараған кезде біздің кейпіркерлеріміздің сұхбатын твңдап қана қоймай, сонымен бірге Астанаға қатысты түрлі тарихи деректермен қанығып отырасың.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!