{metadescription}
Қасымов Теннің өліміне күдікті ретінде ұсталған бойжеткен жайында жаңа мәліметтерімен бөлісті
Қасымов Теннің өліміне күдікті ретінде ұсталған бойжеткен жайында жаңа мәліметтерімен бөлісті

Қасымов Теннің өліміне күдікті ретінде ұсталған бойжеткен жайында жаңа мәліметтерімен бөлісті

Бүгін Ішкі Істер Министрі Қалмұханбет Қасымов марқұм Денис Теннің өліміне қатысы бар деп айыпталған үшінші күдікті Жанар Толыбаева жайында мәлімдеме жасады. Қанды қылмыс кезінде еңбек демалысында болған еліміздің бас полицейі қашып жүрген бойжеткенді құқық қорғау органдарының әрең ұстағанын жеткізді. 

Қалмұханбет ҚАСЫМОВ ҚР Ішкі Істер министрі:

-Бойжеткен тергеу кезінде бізге ештеңе айтпай қойды. Жалпы, осы үшінші күдіктіні ұстау оңай болмады. Ол қылмыс болған түні сайда жасырынған. Кейін сағат сайын мекен-жайын ауыстырды.

Ақсай ықшамауадында арнайы операция жүргізіліп, 18:40-та үшінші күдікті қамауға алынды. Күдіктілер өзге өңірден келген.

Министр Қалмұханбет Қасымов күдікті Толыбаева Жамбыл облысынан Алматыға даяшы болып жұмыс істеуге келгенін айтады. Ол қазір қамауда отырған Қиясов және Құдайбергеновпен қоян-қолтық араласқан. Тіпті, мәнерлеп сырғанаушыны Денис Тенді өлтіргендерінен де хабардар болған екен. Ресей Ішкі істер министрі Владимир Колокольцевпен Алматыда кездесуі барысында Қасымовқа журналистер Денис Тенге қатысты сұрақтарын қарша боратты. Сондай-ақ, министр Алматы Ішкі істер департаментінің басшысын орнынан алып тастауға ешқандай негіз жоқ екенін айтты. Жалпы, елімізде қылмыстың 20 пайызы осы алып шаһарда тіркеледі. Ал көлік айналарын ұрлап сататын бұзақылар, әсіресе, Алматы қаласында өте көп. Автобөлшек ұрлау дерегінің 90 пайызы осы қалада тіркелді. Қасымов соңғы жылдары көлік бөлшектерімен қатар ұялы телефон ұрлау да белең алды дейді. Жарты жылдың ішінде төрт мыңнан астам телефон ұрлаған адам ұсталған. Қалмұханбет Қасымов Олимпиада жүлдегері, марқұм Денис Тен өлімінен кейін алғаш рет журналистер сұрағына жауап берді. 

Кеше

20 қыркүйек

Серіктестер жаңалықтары

Загрузка...
Қазір эфирде