«Қойылған талаптарға короновирус кеселінің қатысы жоқ» деп сендірді білім басқармасындағылар. Наурыз, сәуір айлары – жұқпалы аурулар, тұмаудың өршитін кезі. Сондықтан сақтық шарасы қатаңдатылып жатыр. Білім беру ұйымдарында адам көп жиналатын шаралар тоқтатылмақ. Алда 8 наурыз мерекесі бар екенін ескерсек, бүлдіршіндер мен оқушылар оны жоспар бойынша тойлайды. Бірақ ата-аналар салтанатты жиынға қатыстырылмауы мүмкін.

Ләззат Разбекова, Нұр-Сұлтан қаласының білім беру басқармасының бөлім басшысы:

- «Міне, мұндай тапсырма келіпті» деп, асыра сілтеп, дабыра қылатын ештеңе болған жоқ. Сондықтан да мұны тек қана аурудың алдын алу, сақтық шарасы деп түсінген жөн. 8 наурыз мерекесіне қатысты бүгінгі күні тек сақтық шараларын ата-аналарға түсіндіріп, айтып жатырмыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!