{metadescription}
Депутаттар Цойға талап қойды
Депутаттар Цойға талап қойды

Депутаттар Цойға талап қойды

Тоқаевтың тапсырмасы неге орындалмай жатыр? «Мұның себебін Денсаулық сақтау министрі Мәжіліске келіп түсіндіруі тиіс» деп, депутаттар талап қойды. Мәжілісмендердің есебінше, Қазақстанда 12 830 медицина қызметкері індетке шалдықса, мемлекеттен төлем алуға соның 20 пайызға жетер-жетпесінен өтініш түскен.

Зәуреш Аманжолова, Мәжіліс депутаты:

- Бес айдан астам уақыт бойы министрліктен министрлікке жауапкершілік аударылып, неліктен мәселе әлі шешілмеген? Жайбасарлықтың салдарынан Президентінің тапсырмасы орындалмайын деп тұр. Жоғарыда аталған проблемалар Денсаулық сақтау және Еңбек министрліктерінің өзара іс-қимыл алгоритмдерін уақтылы пысықтамауынан туындады деп санаймыз.

Мемлекет басшысы 30-наурызда COVID-19 жұқтырған дәрігерлерге 2 миллион теңге, ал қайтыс болған жағдайда отбасына 10 миллион теңге өтемақы төлеуді тапсырды. Депутат Зәуреш Аманжолованың көтеріп отырғаны осы мәселе. Бүгінгі жағдай бойынша Қазақстанда 12 830 медицина қызметкері індетке шалдыққан. Ал мемлекеттен төлем алуға небәрі 2 мың  475 өтініш түскен, бұл ауырғандардың жалпы санының 19 пайызы ғана. Ал біржолғы әлеуметтік төлем тек 1 830 адамға немесе вирус жұқтырғандардың 14,3 пайызына төленген. Коронавирустан қайтыс болған дәрігерлердің отбасына өтемақы төлеу қарқыны тіпті төмен. Бүгінге дейін ковидтен 197 медицина қызметкері көз жұмса, министрліктен төлемге тек 38 өтініш түскен. Ал өтемақыны алғандар саны бар-жоғы 25 немесе марқұм болғандардың жалпы санының 13 пайызына да жетпейді.

Нұрлан Нығматулин, Мәжіліс төрағасы:

Денсаулық сақтау министрінің өзі келіп есеп берсін. Президенттің төлемақыға қатысты тапсырмасы жарты жыл бұрын берілді. Дәрігерлер өмірін қатерге тігіп, алғы шепте еңбек етті. Талайы вирус жұқтырды, көбі көз жұмды. Сондықтан министрдің өзі жауап беруге міндетті.

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

30 қараша

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.