Тас-талқаны шыққан жеңіл көлік кадрлары әлеуметтік желілерге тарап кетті. Оқиға Алматы - Көкпек - Көктал тас жолында болған. Мәліметтерге қарағанда, 23 жастағы «Тойота Камри» жүргізушісі жылдамдықты асырып, рөлге ие бола алмай қалған. Соның салдарынан қарама-қарсы бағытқа шығып кетеді. Сол мезетте жүк көлігі тап болып, оларды жапырып өтеді. Жеңіл көлік жүргізушісі аман қалғанымен, жанындағы жолаушысы қаза тапты.    

Ақбота Қуанышбекқызы, Алматы облысы ПД ресми өкілі:

- Апаттан оқиға орнында алған дене жарақаттарынан 32 жастағы жолаушы көз жұмды. Ал көп жері жарақаттанған жеңіл көлік жүргізушісі Талғар қаласының орталық ауруханасына жеткізілді. Аталған дерекпен ҚР ҚК 345- бабы, 3-бөлігі негізінде сотқа дейінгі тергеу басталды. Тиісті сараптама тағайындалды.    

Бізді Youtubе-та қараңыз! Бізді Facebook-та, Instagram-да, Telegram-да оқыңыз!