{metadescription}
Алматыда миллиардтарға салынған жолайрықтардың пайдасы болмады
Алматыда миллиардтарға салынған жолайрықтардың пайдасы болмады

Алматыда миллиардтарға салынған жолайрықтардың пайдасы болмады

Миллиардтаған ақшаға салынған жолайрықтардың пайдасы жоқ! Алматылық жүргізушілер көпірлердегі көлік қозғалысы одан әрі қиындады деп қапалы. Себебі: жолайрықты пайдалануға бере салысымен, жанынан қаптап базарлар мен сауда орындары салынады. Көлік нөпірі мәселесінің шешілмеуінің зардабын сол маңдағы тұрғындар да көріп отыр. Өйткені ығы-жығы көліктер қарбалас уақытта адамдарды қағып кетіп жатыр.

Алматыдағы «Барахолка» атанып кеткен алып базар осыдан алты жыл бұрын жаңартылған. Содан кейін Солтүстік айналма тасы жолы да кеңейтіліп, жаңа жолақтар пайда болған. Сол уақыттан бері мұнда көлік қозғалысы жанданған. Қазір жүргізушілер бұрыңғыдай сағаттап кептелісте тұрмайды. Бірақ «Барахолка» базарынан зуылдап өткен көлік иелері үш шақырымнан кейін бәрібір кептеліске тап болады. Жолайырықтың бір жағында көліктердің жүруінен тұруы ұзақ.

Төрт жыл бұрын шенеуніктер 8 млрд-тан астам қаражатқа салынған жаңа жолайырық көлік тығыздығын қысқартады деп жар салған. Алайда атқамінерлердің жоспары жүзеге асқан жоқ. Өйткені жаңа жол торабынан кейін іле-шала Кенжехан, Арлан, Өжет сынды сауда орталықтары бірінен кейін бірі бой көтерді.

Бекжан Егембердиев, жүргізуші:

- Тұрғаныма 40 минут болды. Жолайрықтың түк пайдасы жоқ. Күнде осындай жағдай. Не үйге қайта алмайсың, не басқа жерге бара алмайсың, ссы жерде кептеліп тұрасың. Кептеліс азаяды деген оймен салды. Бірақ кептеліс азайған жоқ.

Ал ұзын-сонар кептелісте тұрмау үшін кей жүргізушілер Өжет ықшамауданы арқылы діттеген жеріне тез жетуге тырысады. Ал шағын көшелер көлікке толып, күнделікті қарбаластан жергілікті жұрттың тынышы қашқан.

Асқар Қасенова, Алматы қаласының тұрғыны:

- Сейсенбі мен жұма күндері Өжетке екі сағатта әрең кіреміз. Қиындық сол ғой. Бала қағып кеткен жағдайлар болып жатыр. Әзірге өлім болған жоқ. Өлім болғанға шейін әкімдер орнынан қозғалмайтын түрі бар.

Солтүстік айналма жолында күн сайын ығы-жығы адам. Арлы-берлі жүйіткіген көлік. Әсіресе таңғы және кешкі уақытта үйіне асыққан тұрғындар такси тоқтатуға жанталасады. Бұл маңда тіркелетін жол апаты да жиілеген.

Бекболат Тоқсанбаев, Алматы қаласының тұрғыны:

- Ол жерде сары белгімен белгіленген, тоқтауға болмайды. Бірақ «Сергек»  камерасы болған соң такси жүргізушілер тоқтап, адамдарды алып кетеді. Ол жерге «Сергек» камерасын қою керек. Сосын полиция бақыласын.

Жолға жауапты басқарма өкілдері жолайрықтағы кептелісті реттеуге уәде берді. Атқамінерлер көлік тығынын азайту мақсатында арнайы жоба да құрыпты.

Алмас Бимендин, Алматы қаласы жол қауіпсіздігі және қалалық мобильді басқармасы бөлімінің басшысы:

- «Сергек» камераларын орнату жоспарланған. Сосын бағдаршам санын көбейтіп, көліктердің емін-еркін қозғалуына барлық жағдай жасаймыз. Жобаны бекіттік. Енді мердігер компанияны тауып іске кірісеміз. Солтүстік айналма жолы мен Бөкейханов көшесінің қиылысындағы жолайрық біздің бақылауымызда.

Әкімдіктегілерден күдер үзген халық кептеліс мәселесін шешудің жалғыз жолы – бір жерге шоғырланған базарлардың санын азайту дейді. Бірақ бұқараның бұл тілегін орындау әзірге мүмкін емес секілді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

24 қыркүйек

23 қыркүйек

Серіктестер жаңалықтары

Қазір эфирде