{metadescription}
Алматыға 8 көлден сел жүру қаупі төніп тұр
Алматыға 8 көлден сел жүру қаупі төніп тұр

Алматыға 8 көлден сел жүру қаупі төніп тұр

Алматыға 8 көлден сел жүру қаупі төніп тұр. Мамандар табиғи апаттың алдын алу шарасын бастап кетті. «Қазселденқорғау» мекемесі мен құтқарушылар тасқынға тосқауыл болу үшін тау шатқалындағы көлдерді бақылауға алып, арнайы аппараттардың көмегімен су деңгейін азайтуға кірісті.

Ерте қамдануына синоптиктердің «алдағы аптадан бастап күн қатты ысиды» деген болжамы түрткі болды.

Тау басындағы көлдердің жағдайы қандай?

Алатаудың басында 45 көл бар. «Қазселденқорғау» мекемесі мен ьтөтенше жағдай департаменті бірлесіп осы тау басындағы айдындарды қысы-жазы бақылайды. Күн райы күрт жылынғанда құтқарушылардың жұмысы да күшейеді. Бірақ биыл мамандар тасқынға тосқауыл болатын шараларады жылдағыдан ерте бастап кетті.

Ерлан Әлібеков, Алматы қаласы ТЖД бастығының орынбасары:

Алматыдағы тау шыңдарында қауіпті деген 12 көл бар. Оның 8-і аса қауіпті көлдердің санатына жатады. Біз осы көлдердегі су деңгейі көтеріліп кетпес үшін алдын алу шараларын бастадық. Қазір сегіз көлдегі жұмысқа 90 адам жұмылдырылды. Эвакуациялық арналарды тазарту және тереңдету жұмысын жүргізу жоспарлануда.

Қалың қардың етегінде жатқан көлдің нөмірі 13. Алматыны алапат судың астында қалдыруы мүмкін делінген көлге сифон орнатыла бастады. Аталған құбыр көлдегі су деңгейін қалыпты жағдайда ұстап тұруға пайдаланылады. Мәселен, былтыр сифонның көмегімен 5 млн-нан астам текше метр су ағызылыпты. Тау шатқалындағы қауіпті көлдерді күнделікті бақылауға қосымша 12 бекет қойылды.

Самат Дәуленханова, «Қазселденқорғау» ММ Алматы қаласы пайдалану басқармасының бастығы:

- Бүгінде көлдерге тоғыз су сорғыш сағатына 400 текше метр соратын және ұзындығы 2 мың метр сифон құбырын орнатып жатырмыз. Алматының таулы аймағында барлығы 21 гидробекет орнатылды. Бекеттер көлдің деңгейін, ауаның темпаратурасын және су шығынын төменге айтып отырады.

Көлдердегі суды ағызу мұздықтардың еруі толық аяқталғанға дейін кезең-кезеңімен жүргізіледі. Мамандар дәл қазір айтарлықтай қауіп жоқ болғанымен, күн күрт ысыса, таудағы су төменге сел болып келуі мүмкін екенін айтады. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде