Ұлтуар Мұқашеваның айтуынша, полицияның "қылмыстық іс қозғайтындай жарақаты терең емес" дегені үрейін одан сайын ұшырған.

Ұлтуар Мұқашева, жәбірленуші:

- Әкімшілік 15 күн деді, одан басқа жоқ па деген кезде «одан басқа жоқ, сіздің алған жарақтыңыз өте жеңіл жарақат» деді. Сонда адамды соттату үшін 7 смге дейін пышақ кіргізу деді. Сол кезде ғана біз қылмыстық іс қозғаймыз деді. Он бес тәуліктен кейін босатып жіберсе, ол міндетті түрде келіп, бастаған ісін аяқтайды деп ойлаймын.

Ұлтуардың айтуынша, тіптен бұрынғы күйуінің шешесі де оған қоңырау шалып, «абай бол» деп ескерткен. Сол күні инспекторға хабарласып көмек сұрағанымен, ешқандай әрекет болмағанын айтады. Ортақ екі балалары бар. Бірге тұрған уақытта да қол жұмсап таяққа жығып келген. Полицияда тіркеуде тұр.

Оқиға 31-шілде күні кешкісін болды. Автобустан түсіп жатқанда артынан таксимен қуып жеткен бұрынғы күйеуін көріп шошыған келіншек қайта ішке кіреді. Артынан ерген ер адамның әрекеті бақылау камерасына түскен. Бетіне ентелей сөйлесіп тұрып, бірден пышақпен жүрек тұсына атыла жөнеледі. Сол жердегі жолаушының бірі араша түсіп үлгерді. Куәгерлер полиция келгенше қаскөйдің басын көтертпей ұстап тұрыпты. Қазір тергеу жалғасып жатыр.

Салтанат Әзірбек, Алматы қаласы ПД ресми өкілі:

- Бұл дерек Алатау ауданы полиция басқармасында тіркелгенін хабарлайды. Сотмедициналық сараптама тағайындалды. Тергеу іс-шаралары жүргізілуде. Оның қорытындысына сәйкес қылмыстық іс бойынша құқықтық баға беріліп, түпкілікті процессуалды шешім қабылданады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!