Салымшылардың сұранысын өтеуге 307 жарым млрд теңге қажет. Ал ақша аудару жұмысына 20 күндей уақыт керек дейді Қазақстанның депозиттерге кепілдік беру қоры.

Алмаз Құдайбергенов, Қазақстанның депозиттерге кепілдік беру қоры төрағасының орынбасары:

- Өтемақы сомасы салымшылардың ағымдағы шоттына аударылады. Сондықтан салымшыларға банкте ағымдағы шоттың барыжоғын тексеруге кеңес береміз. Егер жоқ болса, ашқаны жөн. Банктерден алынған соңғы дерек бойынша, ең аз өтемақы сомасы 1 теңгені құрады. Ал ең жоғары өтемақы сомасы 2 млн теңге болды.

Ал орташа төлем сомасы шамамен 117 мың теңгені құраған.

Бұл 10 пайыз өтемақы банктың ай сайынғы төлейтін сыйақысынан бөлек есептеледі. Жалпы оған өтініш қабылдау өткен жылдың қыркүйек айында басталған.Қаражат салымшыға 2023 жылдың 23 ақпанына дейін өзі депозит ашқан банктен беріледі. Қаржы сонда бір жыл сақталған болуға шарт. Бұдан бөлек те сыйақы берудің өзіндік талаптары бар. Өйткені онда салым бойынша өтемақыны есептеу ережесі қарастырылған. Депозит бойынша 10% мөлшерінде өтемақы төлеу – бір реттік бағдарлама. Оны қаржы министрлігі мен Ұлттық банк ұсынып отыр. Осылайша 17 банк ішінде ең көп өтініш түскендердің бірі – Отбасы банкі.

Жанар Жолтаева, "Отбасы банк" АҚ баспасөз хатшысы:

- Наурыз айында қазақстандықтардың «Отбасы банкте» ашылған 883 мыңнан астам депозиті бойынша 10 пайыз көлемінде өтемақы төленетін болады. Жалпы сомасы 115 млрд теңгеге жуық қаражат. Оның арасында ата-анасы баласының атына ашқан депозиті де бар. Оның көлемі 173 мыңнан асады. Ортақ сомасын айтатын болсақ, кішкентай салымшыларымыз 8,8 млрд теңге көлеміндегі өтемақыға ие болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!