{metadescription}
Маңғыстау облысында жол апаты 10 адамның өмірін жалмады
Маңғыстау облысында жол апаты 10 адамның өмірін жалмады

Маңғыстау облысында жол апаты 10 адамның өмірін жалмады

Маңғыстау облысында жантүршігерлік жол апаты 10 адамның өмірін жалмады. Оның бесеуі – кішкентай бала.

Оқыс жағдай кешкі уақытта Жаңаөзен-Кендірлі тас жолында болған. Тойота мен Рено көліктері бетпе бет соқтығысып, екі көліктегі екі отбасының мүшелері түгел тіл тартпай кетті. Тірі қалған 4 жасар сәбиге ота жасалғанымен, ол да төрт сағаттан кейін көз жұмған. Toyota-да сегіз  жолаушы болған дейді тәртіп сақшылары. Ал екінші көліктің жүргізушісіне бір ай бұрын ғана қауіпсіздік белдігін тақпағаны үшін айыппұл салынған екен.

Гүлшара Бастаубаева, Маңғыстау облысы ПД  баспасөз хатшысы:

- Жолкөлік оқиғасының басты себебі: көлік құралының қарама-қарсы жол бағытына шығуы. Бұл қорқынышты апатты талдай отырып, Toyota көлігінің ішінде 8 адам болғанын атап өткім келеді. Егер ереже сақталып, жүргізуші мен жолаушылар қауіпсіздік белдігін тағып, балаларға арналған орындық пайдаланылса, онда көлікке тек төрт адам ғана сияды. Ал апат болған жағдайда бұл құралдар адам өмірі мен денсаулығын сақтап қалуы мүмкін еді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!

Кеше

Серіктестер жаңалықтары

Қазір эфирде