Зілзалада биіктен секіріп кеткен әйелдің жағдайы әлі де ауыр
Жер сілкінісінен зардап шеккен бір адамның жағдайы әлі де ауыр. Үшінші қабаттан секіріп кеткен 33 жастағы әйел жасалған отадан кейін жансақтау бөлімінде жатыр. Қалған екеуінің халі орташа ауыр. Тағы күтім қажет дейді дәрігерлер.
Автор: Салтанат Шырынхан
26.01.2024
Балалар шұғыл медициналық орталығына жеткізілген төрт жеткіншек те әлі ауруханада. Жағдайлары орташа тұрақты.
Алматыда үш күн бұрын болған зілзаладан 67 адам жапа шеккен. Оның 12-і — бала. Барлығы бес балл дүмпуді сезгенде жапа-тармағай сыртқа ұмтылған. Қысылысып, үстіңгі қабаттан төмен қарай түсе берген сәтте кейбірі баспалдақтан құлап мертіккен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
