Бүгін, Азиада ойындарының бесінші күні елімізге сәтті басталды. Өйткені Қазақстан қоржынына тағы төрт жүлде түсті. Алдымен фристайл-акробатикадан Аян Жолдас пен Аруна Маханова қола жүлдені иемденсе, іле-шала Шерзод Хаширбаев пен Роман Иванов жұбы керемет нәтиже көрсетіп, Қазақстанға алтын медаль сыйлады.

Бұл жеңіс фристайл-акробатика тарихындағы маңызды жетістік. Отандастарымыз 97, 92 ұпаймен қытайларды артқа тастады. Ал үшінші алтын медальді Қазақстан ерлер құрамасы биатлоннан жеңіп алды. Владислав Киреев жарыс жолын 29 минут 47 секундта бағындырып чемпион атанды. Кейін Вадим Куралес мәре сызығын кесіп, күміс жүлдеге ие болды.

Владислав Киреев, IХ Қысқы Азия ойындарының жеңімпазы:

— Мен бәрін қатесіз орындадым деп айта аламын. Жатып ату кезінде бір қателік болды. Нысананы көздеу, жел тұрғандықтан, кедергі жасады. Кейін тұрып атар кезде күн шығып, көздеп атудан мүлт кетпедім. Алға Қазақстан!

Азия ойындарында еліміз 13 медальмен төртінші орында тұр. Жүлделердің үшеуі алтын, алтауы күміс, төртеуі қола. Көш басында — Қытай, екінші орында Оңтүстік Корея тұр. Ұздік үштікті Жапония түйіндеген.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!