Берік Сәмежанов, Жарма ауданы әкімінің орынбасары:

— Қоңыр аюлардың шабуылына қарсы күрес жүргізу мақсатында арнайы комиссия құрылды. Комиссия құрамына жергілікті атқарушы орган өкілдері, құқық қорғау органдары, тиісті басқарма басшылары, сондай-ақ мемлекеттік үлгідегі аңшы куәлігі бар және қаруды сақтау мен алып жүруге рұқсаты бар 28 азамат енгізілді.

Жыртқыштардан әсіресе Жарма ауданының тұрғындары зардап шегіп отыр. Қазір бес бірдей ауылдың іргесінде аю өріп жүр. Тұрғындардың айтуынша, аюлар малға екі жылдан бері маза бермей келеді. Биыл жазда шаруашылықтардың әрқайсынан кем дегенде 5-6 ірі қараны жемтік қылған. Шаруа қожалықтарының қора-қопсысын да жыртқыштар түгел қопарып тастапты. «Шығынға шаш етектен баттық» деген жұртқа өз еркімен аюды атуға рұқсат жоқ.

Мейрамғалым Жармағанбетов:

— Нарботаның өзінен маған хабарласты, міне, 17 басымды әкетті деді. Менен сегіз кетті. Жылқыдан үшеу кетті. Осымен тоқтадық. Жоғарғы жақта Төкен аға, Нурбан апай деген кісілер бар. Олар аңдып жатыр. Осы жұманың ішінде олардан тағы алып кеткен ғой деймін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!