{metadescription}
Қарағандыда ерлі-зайыптыларға белгісіз адам пәтер сыйлады

Қарағандыда ерлі-зайыптыларға белгісіз адам пәтер сыйлады

Белгісіз кәсіпкер жетім өскен адамның бала-шағасына Қарағандыда үші бөлмелі пәтер сыйлады.

Жаңа жыл қарсаңында балалар үйінің тәрбиеленушісі  Евгений Дмитриевтің отбасында ғажайып оқиға болды.

Бұл туралы Tengrinews.kz хабарлайды.

«Пионер балалар үйі» ҚМУ-нің түлегі Евгений Дмитриев бала-шағасымен үйлену тойына берілген барақта тұратын. Пәтердің есік-терезесі де жоқ болғандықтан Евгений үйді өз күшімен қалпына келтіргеніне қуанып жүрді.

Бірақ 2016 жылы пәтерге бұрынғы қожайыны таласты. Сотқа Қарағанды әкімдігі араласты. Қала әкімі Қазыбек би ауданының №2 сотына пәтерден шығару туралы екі арыз берді. Евгений мен оның жас балалары айыпталушы боп шықты. Сөйтіп Дмитриевтер отбасы далада қалды. Пәтермен қоса жұмысынан да айырылып, ерлі-зайыптылар кездейсоқ іспен айналысып нәпақаларын тауып жүрді.

Жаңа жыл қарсаңында керемет оқиға есінен тандыра жаздады. Ерлі-зайыптыларға белгісіз кәсіпкер Майқұдықта үші бөлмелі пәтер сыйлады.

«Бізге бес қабатты үйдің екінші қабатында үш бөлмелі пәтер берілді. Пәтер жып-жылы, жиһазы бар. Біз кімнің сыйлағанын білмейміз, кімге алғыс айтарымызды білмейміз. Сонда да: «Рақмет, мейірімді адам!»деуден жалықпаймыз», - деп Евгений қуанышымен бөлісті.

Дмитриевтің отбасы жаңа пәтерге көшіп үлгерді. Сонымен қатар, күйеуі мен әйелі жұмысқа да орналасты.

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.