{metadescription}
Оқушының ата-анасы мұғалімді ұрып кетті

Оқушының ата-анасы мұғалімді ұрып кетті

Алматы облысында мұғалімді ата-ана кабинетіне іздеп келіп, соққыға жықты.

 Бұл туралы ҚазАқпарат хабарлайды.

Оқиға Іле ауданының Боралдай ауылындағы Кенен Әзірбаев атындағы орта мектепте болған.

Істің насырға шабуына оқушы себеп болған. 6-шы сыныптың баласы үйіне мұғалім ұрды деп шағымданып барған.

Ал мәселенің ақ-қарасын анықтамаған жеткіншектің анасы мен әпкесі мектепке келіп, мұғалімді соққыға жыққан. Қазір таяқ жеген ұстаз Боралдайдағы ауруханада жатыр. Дәрігердің айтуынша, жәбірленуші маман бас ми жарақатын алған. Тіпті белгісіз біреулердің әріптесін ұрып жатқанын көріп, көмекке келген екінші мұғалім де таяқ жеген. Ол қолын жарақаттап алған.

Ал баланың ата-анасы түсінік беруден бас тартты. Ұстаздың әріптестері болса тәжірибелі маманның ерсі мінез көрсетуі мүмкін емес дейді.

«Дөрекі сөйлеу, қол көтеру мүмкін емес. Ол кісінің табиғатында ондай жағымсыз қылық жоқ. Ол мұғалімнің қолынан ондай нәрсе келмейді», дейді №15 К.Әзірбаев атындағы орта мектеп директорының орынбасары Арман Сүлейменова.

Кеше

Серіктестер жаңалықтары

Загрузка...
Қазір эфирде