{metadescription}
«Тұмар» тарихи картинасы: 3-10 жастағы қыздарға кастинг жарияланды

«Тұмар» тарихи картинасы: 3-10 жастағы қыздарға кастинг жарияланды

«Қазақфильм» киностудиясы «Тұмар патшайым» тарихи картинасы бойынша 3 пен 10 жас аралығындағы қыздарға кастинг жариялады.

Қыздардың түр-әлпеті басты рөлді ойнайтын Альмира Тұрсынға ұқсауы тиіс. 

 

Кастингке қатысушылар қойылатын талаптар: жасы 3-10 жас аралығындағы қыздар, толық, орта және орта ауқымда тұла бойы түсірілген, фильтрсіз және көзілдіріксіз түскен фотографияларды поштаға жіберу қажет.

Сондай-ақ, аты-жөні, туған жылы, бойы, салмағы, көзінің және шашының түсі, түсірілімдердегі тәжірибесі туралы ақпарат жіберу керек.

Кастингке барлық ұлт өкілдері қатыса алады. «Фото және анкета casting_satai@mail.ru электронды адресі бойынша қабылданады. Қатысушы түсірілім тобының көңілінен шықса, олар сіздермен байланысқа өздері шығады.

Назар салыңыз! Кері байланыс үшін өзіңіздің телефон нөмірлеріңізді көрсетуді ұмытпаңыз», - делінген хабарламада.

Қастингке қатысу ақысыз.

Еске сала кетсек, бұдан бұрын аталған туындының режиссері Ақан Сатаев өзінің Инстаграмдағы парақшасында Қазақстанда түсіріліп жатқан «Томирис» тарихи фильмінде бас кейіпкерді сомдайтын актрисаның есімі анықталғанын жазған болатын. 

ДЕРЕККӨЗ: ҚазАқпарат


 

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде