{metadescription}
Алматыда 5 жасар баланың ішегінен қырық шақты шарик шықты

Алматыда 5 жасар баланың ішегінен қырық шақты шарик шықты

Алматыда Балаларға шұғыл медициналық көмек көрсету орталығының жедел хирургия бөліміне іші түйнеп ауырған 5 жасар бала түскен. 

Дәрігерлердің айтуынша, бала соқырішек ауруының белгісімен түскен.

«Рентген түсіру барысында оның ішегінің жүрмей тұрғанын көрдік. Сосын ота кезінде ішектің ішінен бір-біріне жабысқан магнит шарларды анықтадық. Олардың жартысы ішектің төменгі жағында орналасса, жартысы жоғарғы жағында магниттер бір-біріне тартылған кезде арасындағы ішек жабысып қалған. Баланың кіндігінен ішекті шығарып алып, бөгде заттарды тазаладық», - деді шұғыл хирургия бөлімінің меңгерушісі Ерлан Меңдіғалиев. 

Жедел ота барысында хирургтар 5 жасар баланың ішегінен 38 шақты магнит шарик алып шыққан. Қазір баланың жағдайы жақсы. Әзірге бала әлі жансақтау бөлімінде жатыр. Мамандардың айтуынша, орталыққа бөгде зат жұтып қойған балалар жиі келіп түседі. 

Олардың ішінде 3-4 жағдайда дәрігерлер баланың ішегінен магнит алып шығарады. 

«Көбінесе балалар гелден жасалған шарлар, губка, ұсақ ойыншықтар, тиын, түйме, ине жұтып қояды. Оның ішіндегі гелден жасалған бұйымдар, магнит, инелер ең қауіпті болып табылады», - деді бөлімнің жауапты хирургі Азат Мамырасыл. 

Бөгде зат жұтып қойып ота үстелінен бірақ шығатын балалардың жасы 1-14 аралығында. Былтыр 2 жастағы баланың ішегінен гелден жасалған шарлар алынды. 

Тіпті тамақтың арасында балалардың денсаулығы үшін қауіпті түрлері болады екен. 

«Балалар көбінесе сүйек бөліктерін жұтып қояды. Жаңғақтар, шемішкенің қабығы өкпесінде, кеңірдегінде тұрып қалады», - деді А.Мамырасыл.

Дереккөз: ҚазАқпарат

Кеше

16 қараша

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.