{metadescription}
ВИДЕО: 15 жастағы жасөспірім полицейдің көлігін соғып кетті

ВИДЕО: 15 жастағы жасөспірім полицейдің көлігін соғып кетті

Оңтүстік Қазақстан облысында 15 жастағы жасөспірім жол патрульдік полициясы мен жүк көліктерін соғып кетті. Облыстық полиция қызметкерлері осы оқиғаға қатысты әкiмшiлiк құқық бұзушылық туралы iс қозғады.

Облыстық ІІД баспасөз қызметінің мәліметінше, жол көлік оқиғасы 10 мамыр күні Сарыағаш ауданында болған. Әлеуметтік желіге тараған видеода жол патрульдік полициясының көлігі жүк машинасымен соқтығысып қалғаны түсірілген еді.

Оны көргендер тәртіп сақшылары жол көлік оқиғасын жасаған деп ойлаған болатын.

Алайда өңірдің ІІД баспасөз қызметі жол көлік оқиғасына жасөспірім кінәлі екенін жеткізді.

"15 жастағы жасөспірім рұқсатсыз ата-анасының Hyundai Starex көлігін мініп, жолға шығып кеткен. Бірақ рульге ие бола алмай, жүк көлігі мен жол патрульдік полициясының машинасын соққан. Қазіргі таңда бұл жағдай әкімшілік құқық бұзушылық тәртібімен қаралуда. Өйткені ешкім жарақат алмаған. Материалдық шығын өндіріледі», - деді облыстық ІІД баспасөз қызметінің өкілдері. 

Дереккөз:ҚазАқпарат



 

Кеше

Серіктестер жаңалықтары

Загрузка...
Қазір эфирде