{metadescription}
ФОТО: Түркістандағы жантүршігерлік жол апатынан 10 адам зардап шегіп, үшеуі қаза тапты

ФОТО: Түркістандағы жантүршігерлік жол апатынан 10 адам зардап шегіп, үшеуі қаза тапты

Түркістан облысында ірі жол көлік апатынан үш адам ажал құшып, 10-нан астамы зардап шекті.

Қайғылы оқиға Түркістан облысы Қазығұрт ауданы аумағында, Рабат ауылының маңында болды. 

Оқиғаға куә болғандардың айтуынша, «Мazda» жеңіл көлігі «Sang Yong Istana» микроавтобусын артқы жағынан келіп соққан. Қатты соққыдан жолаушылар мінген көлік бірнеше рет аударылып түскен.

Алдын ала мәлімет бойынша, шағын автобуста 10-нан аса, жеңіл машинада 4 адам болған. Төртеуі – Өзбекстан азаматтары.

«Мazda»-ның жүргізушісі оқиға орнында қаза тапқан. Тағы бір әйел жедел жәрдем көлігі ішінде жан тәсілім етсе, үшінші әйел ауруханаға жеткен кезде көз жұмған. Өзге ауыр және жеңіл жарақат алғандар Шымкент қаласындағы жедел жәрдем ауруханасына жеткізілді.

«Үш науқас аурухананың жансақтау бөліміне жатқызылды. Тағы екі жолаушы травматология бөлімшесінде ем қабылдауда. Төрт адамның жарақаттары жеңіл болуына байланысты алғашқы медициналық көмектен кейін үйлеріне қайтарылды», - деді Шымкент қалалық жедел жәрдем ауруханасының қабылдау бөлімінің меңгерушісі міндетін атқарушы Алмас Байбеков. 

Қазір қаза болғандардың тұлғалары мен жол апатының себеп-салдары анықталып жатыр. Түркістан облыстық ІІД оқиғаның мән-жайы бойынша толық ақпарат беруге уәде етті. 

 

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде