{metadescription}
Самал Еслямова Анталиядағы халықаралық фестивальда «Үздік актриса» атанды

Самал Еслямова Анталиядағы халықаралық фестивальда «Үздік актриса» атанды

Анталияда өткен 55-ші Халықаралық кинофестиваль жеңімпаздарының есімдері жарияланды.

Биылғы Анталия Халықаралық кинофестиваліне 10 фильм, соның ішінде 2 түрік фильмі ұсынылған, оларды 34 мың көрермен тамашалады. Кеше, 5 қазан күні фестиваль марапаттарын табыстау салтанаты өтті.

«Үздік фильм» аталымында ирандық режиссер Джафар Панахидің «Үш Тұлға (Three Faces)» фильмі жеңіске жетті. Режиссердің өзі үйқамақта болуына байланысты, жүлде оның қызына тапсырылды.

«Үздік актриса» аталымының жеңімпазы атағына - «Айка» фильміндегі рөлі үшін Самал Еслямова лайықты деп табылды. «Үздік актер» наградасы «Капернаум» фильміндегі рөлі үшін Заин әл-Рафеаға берілді.

Жапон режиссері Хирокадзу Корээда «Дүкен ұрылары (Shoplifters)» фильмі үшін «Үздік режиссер» атанды. Америкалық актер Эрик Робертске «Құрметті награда» табысталды. Айта кетейік, фестиваль 29 қыркүйек пен 5 қазан аралығында өтті.

Еске салсақ, Қазақстандық актриса Самал Еслямова 71-ші Канн кинофестивалінде «Ең үздік әйел рөлі» номинациясын жеңіп алған.

Дереккөз: ҚазАқпарат

Кеше

Серіктестер жаңалықтары

Загрузка...
Қазір эфирде