{metadescription}
ВИДЕО: Сауль Альварес спорт тарихында рекордты келісім-шартқа отырды

ВИДЕО: Сауль Альварес спорт тарихында рекордты келісім-шартқа отырды

Бүкіләлемдік бокс ассоциациясы мен Бүкіләлемдік бокс жөніндегі кеңестің орташа салмақтағы әлем чемпионы, мексикалық Сауль «Канело» Альварес, DAZN стриминг қызметімен келісім-шартқа отырды. 

Келісім бес жыл бойы оның 11 жекпе-жегінің трансляциясын таратуға арналған. Бұл үшін 28 жастағы спортшыға жекпе-жектердің нәтижесіне қарамастан, кем дегенде, 365 млиллион доллар төленеді. 

Альварестің бұл келісім-шарты жалпы спорт тарихындағы рекорд. Ол 2014 жылы 325 миллион Miami Marlins-пен 13 жылдық келісім жасасқан бейсболист Джанкарло Стэнтонның жетістігінен асып түсті. 

DAZN шартының аясында Альварестің алғашқы жекпе-жегі 15-желтоқсанда Нью-Йорктегі Madison Square Garden-да өтеді. WBA-ның орташа салмақ дәрежесіндегі жекпе-жегінде ол британдық Роки Филдингпен кездеседі.

Альварес қоржынында 50 жеңіс, бір жеңіліс, екі тепе-теңдік бар. Соңғы матчта ол жерлесіміз Геннадий Головкинді жеңген болатын. Гена өз мансабындағы алғашқы жеңіліске ұшырап, барлық атақтарынан айырылды.

 

Кеше

Серіктестер жаңалықтары

Загрузка...
Қазір эфирде