{metadescription}
ФОТО: Аюдан қашқан ер адам биік жардан секіріп кеткен

ФОТО: Аюдан қашқан ер адам биік жардан секіріп кеткен

Саңырауқұлақ теруге барған Қытай тұрғыны аюлар отбасына тап болып, өмірімен қош айтыса жаздады.

Гималай аюының отбасына тап болған Қытай тұрғыны ажал аузынан қалды. Ересек аюдан қашқан ол жардан секіріп кетуге мәжбүр болған. Саңырауқұлақ тергенді жақсы көретін Хуацзян Тан орманға бара жатқанда, өліммен бетпе-бет келемін деп ойламағаны анық. Үйіне қайтар жолда ол екі ересек аю мен екі қонжығына кезігеді.

Қонжықтар ағаш басында жүрсе де, ересек аюлар ер адам оларға қауіп төндіреді деп шешіп, біреуі Хуацзян Танға тап береді. Аюмен арпалыс бірнеше минутқа созылады. Сол кезде алып жыртқыш ер адамды үш рет жерге алып тұрып, Қытай тұрғыны қатты жарақат алады.

Ақыры аңның тырнағынан сытылған Хуацзян Тан аюмен жалғыз өзі арпалыса алмайтынын түсініп, өз-өзін құтқару үшін бес метр жардан секіріп кетуге бел буады. Жыртқыш соңынан ілеспепті, сөйтіп ер адам аман қалған. Ауруханаға әрең жеткен қытай жігітіне бірден ота жасалды. Дәрігерлер ер адамның өмірлік маңызды органдарына ешқандай зақым келмегеніне қатты таңғалыпты.

Дереккөз: Sputnik

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.