{metadescription}
Қызды құтқарам деп ажал құшқан полицей мемлекеттік наградаға ұсынылады

Қызды құтқарам деп ажал құшқан полицей мемлекеттік наградаға ұсынылады

Атырауда қызды құтқарам деп суға кеткен Шалқар Ақымғалиев мемлекеттік наградаға ұсынылады.

Бұл жайында ҚР Ішкі істер министрінің кеңесшісі-ресми өкіл Нұрділдә Ораз айтты.

«Ішкі істер министрі Ерлан Тұрғымбаев полиция қызметкері Ақымғалиев Шалқар Көкінбаевтың отбасына қайғыларына ортақтасып, көңіл айтты. Атырауда қызды құтқарам деп суға батып кеткен патрульдік полиция сержанты Шалқар Ақымғалиев мемлекеттік наградаға ұсынылады. Ш.Ақымғалиевтің отбасына ІІМ жеке құрамы тарапынан материалдық көмек көрсетілетін болады», - деді Нұрділдә Ораз.

ҚР ІІМ Ерлан Тұрғымбаев қалың қазақ жұрты өзінің ер-жүрек, батыр ұлынынан көз жазып қалғандығын, бұл орны толмас қайғы екендігін баса атап өткен.

«Қазақтың даңқты батыры Бауыржан Момышұлының «Адам болу - қасиет, азамат болу - міндет, патриот болу - парыз» деген қанатты сөзі бар. Сіздер тәрбиелеп өсірген ұлдарыңыз Шалқар Көшкінбайұлы осы қасиеттерге лайық еді. Адам ретінде қалыптасты, азамат болып атқа қонды, патриоттық болмысымен ел тыныштығын қорғады. Ол әрбір қазақстандықтың өмірін сақтауды өзінің қасиетті борышы санады. Сондықтан сын сағаттарда нағыз батырларға тән ерлікке барып, өзгенің өмірі үшін өз жанын құрбан етті. Елін шексіз сүйген, халқы үшін адал қызмет атқарып, туған жер тыныштығын қас қақпай қорғаған батыр ұл өсіргендеріңіз үшін  алдарыңызда басымызды иеміз. Біз оның ерен ерлігін, батырлық болмысын, биік азаматтық келбетін ешқашан ұмытпаймыз. Асыл ердің жаны жәннатта, топырағы торқа, иманы жолдас болсын!», - деп жазды ол.

Естеріңізге салайық, Атырауда полиция суға батқан әйелді құтқару үшін, ерлік жолында мерт болған болатын. Ол қызды құтқарамын деп көпірден Орал өзеніне секірген. 22 наурызда Атыраудың жүздеген тұрғыны қызды құтқарамын деп көз жұмған полиция қызметкерін еске алып, гүл шоқтарын қойды. Ол көп балалы отбасыда тәрбиеленген. Шалхар отбасының жалғыз асыраушысы болған.

 

Кеше

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.