{metadescription}
Үндістанға емделуге кеткен 23 жастағы алматылық қыз көз жұмды

Үндістанға емделуге кеткен 23 жастағы алматылық қыз көз жұмды

Алматылық Диана Ыстыбаева емделу үшін анасы және бауырымен бірге Үндістанға кеткен болатын.

Қатерлі ісікке шалдыққан қазақстандық Диана Ыстыбаева Үндістанда көз жұмды. Бұл туралы сыртқы істер министрлігінің ресми өкілі Айбек Смадияров айтты.

"Өкінішке қарай, ол кеше қайтыс болды. Қазір біз оның денесін мемлекет есебінен Қазақстанға жеткізу үшін барлық қажетті көмекті көрсетіп жатырмыз", - деді Смадияров сыртқы істер министрлігінде өткен брифингте.

Айта кетсек, 23 жастағы алматылық Диана Ыстыбаева емделу үшін анасы және бауырымен бірге Үндістанға кеткен еді. Алты жыл бұрын дәрігерлер оған "шынтақ буыны саркомасы" диагнозын қойыпты. Дәрігерлер қыздың қолын иығына дейін кесіп тастауға мәжбүр болған, деп жазады sputniknews.kz.

Алайда үндістандық дәрігерлер қазақстандық бойжеткенге көмек көрсете алмады. Ауру әбден асқынып кеткен. Алматылық қыздың соңғы тілегі елге оралу болатын.


 

Серіктестер жаңалықтары

Загрузка...
Қазір эфирде