{metadescription}
Елімізде ет пен нан бағасы қымбаттады

Елімізде ет пен нан бағасы қымбаттады

Азық-түлік тауарларының қымбаттауы инфляцияға айтарлықтай ықпал етуде.

Бұл туралы Ұлттық банк төрағасы Ерболат Досаев хабарлады. 

«Қаржы нарығындағы жағдай тұрақты Инфляция таргеттелген 4-6 пайыздық дәлізінен асқан жоқ. Қыркүйекте жылдық инфляция 5,3 пайызға дейін баяулады. Алдыңға айда ол 5,5 пайыз болған еді. Азық-түлік тауарлары бағасының өсуі инфляцияға барынша әсер еткенін атап өту керек. 2017 жылдың басынан бері ол ең жоғарғы 9,1 пайыздық деңгейге жетті. Ет бағасы - 13,5 пайызға, нан, тоқаш өнімдері мен жарма - 12,7 пайызға өсті. Олардың инфляциялық үлесі – 1 пайыз. Бұл тауарлар әлемдік баға мен экспорт көлемінің өсуі аясында қымбаттады», - деді Ұлттық банк төрағасы Досаев Үкімет отырысында.

Оның сөзіне сүйенсек, тауарлардың бұл санаттары әлемдік бағалар мен экспорт көлемінің өсуі аясында қымбаттаған.

 «Азық-түлікке жатпайтын ақылы қызметтер бағасының жылдық өсімі 5,4 пайыз болды. Бұл 2015 жылғы қазаннан бері минимум болып отыр», - деді ол.

Ерболат Досаевтың сөзіне сенсек, жыл қорытындысы бойынша инфляция белгіленген дәлізде қалады.

«Инфляция 5,7-5,8 пайыздық деңгейде қалыптасады», - деді ол.

Кеше

Серіктестер жаңалықтары

Загрузка...
Қазір эфирде