{metadescription}
Актриса жүк көлігінен секіріп, мерт болды

Актриса жүк көлігінен секіріп, мерт болды

Өзбек көрермені үшін Шарипова "Апа-сіңлілер" сериялымен танымал.

Ол көптеген мультфильм кейіпкерлері мен шетелдік фильмдерді дауыстаған. Өзбек актрисасы Гавхар Шарипова такси жүргізушісінің қол жүгіртуіне шыдамай жүріп келе жатқан көліктен секіріп, қайтыс болды. Жол қауіпсіздігі департаментінің мәліметі бойынша, актриса Самарқанд-Гузар А-380 тас жолында сағатына 140 км жылдамдық жүйткіп бара жатқан Isuzu жүк көлігінің жолаушылар отыратын жағында отырған.

Тергеу кезінде жүргізуші рөлді сол қолымен басқарып, ал оң қолымен актрисаның иығы мен қолдарын сипалап, ұстағаны анықталды. Шарипова есікті ашқанда жүргізуші көлікті тоқтатпаған, сол кезде актриса жолаушылар салонынан ұшып кеткен. Ол алған ауыр жарақаттары салдарынан оқиға орнында көз жұмды.

Тергеу департаментінің Telegram арнасында көлік жүргізушісі мен оның жолаушысы арасында болған жанжал туралы айтылған, бірақ оның себептері нақтыланбаған. Гузар аудандық ішкі істер департаментінің тергеу бөлімі бұл фактіге қатысты Қылмыстық кодекстің 266-бабы 2-бөлігі, яғни "Кісі өліміне әкеліп соққан жол қозғалысы қауіпсіздігі ережелерін бұзу немесе көлік құралын пайдалану" бойынша қылмыстық іс қозғады.

Есік ашылған кезде жүргізушінің жылдамдықты баяулатпауы Жол ережесінің 77-бабының 3-бөлімін бұзу деп есептелді. Гавхар Шарипова 1980 жылы Навои қаласында дүниеге келген. Ол "Алданған әйел", "Сұлулық сыры", "Алпамыс", "Гүлханның айналасындағы хикаялар", "Сарвиноз" фильмдерінде, сонымен қатар қазақстандық "Алдар Көсе" жобасында ойнады.

Өзбек көрермені үшін Шарипова "Апа-сіңлілер" сериялымен танымал. Ол көптеген мультфильм кейіпкерлері мен шетелдік фильмдерді дауыстаған. 2003 жылы Өзбек ұлттық академиялық драма театрында Лессингтің "Данагөй Натан" пьесасының қойылымында Рехи рөлін сомдады.

Дереккөз: zakon.kz

Кеше

Серіктестер жаңалықтары

Загрузка...
Қазір эфирде