{metadescription}
Нұр-Сұлтанда өзгенің төлқұжатымен ұшып кетпек болған азамат ұсталды

Нұр-Сұлтанда өзгенің төлқұжатымен ұшып кетпек болған азамат ұсталды

Шекарашыларды Сомали Республикасы азаматының төлқұжатта көрсетілген фотосуреттегі кескінге ұқсамауы күдік туғызған, құжат егжей-тегжейлі зерттелгеннен кейін оның төлқұжатты көрсетуші адамға тиесілі емес екені белгілі болды.

Нұр-Сұлтан әуежайында басқа біреудің төлқұжатымен ұшып кетпек болған Сомали азаматы ұсталды.

"2019 жылы 23 желтоқсанда Нұрсұлтан Назарбаев халықаралық әуежайында "Нұр-Сұлтан-Франкфурт" бағытындағы № KС-921 рейсіне шекаралық тексеру жүргізу кезінде Нидерланды Корольдігінің азаматына тиесілі төлқұжатты көрсетіп, Қазақстан Республикасының мемлекеттік шекарасын заңсыз кесіп өтуге тырысқан Сомали Республикасының азаматы ұсталды", - делінген хабарламада.

Шекарашыларды Сомали Республикасы азаматының төлқұжатта көрсетілген фотосуреттегі кескінге ұқсамауы күдік туғызған, құжат егжей-тегжейлі зерттелгеннен кейін оның төлқұжатты көрсетуші адамға тиесілі емес екені белгілі болды. Аталған азамат еліміздің оқу орындарының бірінің студенті екені анықталды. Биылғы жылдың қазан айында Қазақстанға келген, бірақ қазақстандық визасының мерзімі аяқталғанына байланысты ол өзі секілді студент досының төлқұжатын пайдалануға шешім қабылдапты. Қазіргі уақытта Сомали Республикасының азаматын әкімшілік жауапкершілікке тарту жайы қарастырылып жатыр.

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде