{metadescription}
Алматыда тергеу изоляторында тұтқын жұмбақ жағдайда көз жұмды

Алматыда тергеу изоляторында тұтқын жұмбақ жағдайда көз жұмды

14 қаңтарда Алматының ЛА-155/18 тергеу изоляторында 19 жастағы Еркебұлан Нұрмыханов есімді тұтқын жұмбақ жағдайда көз жұмды.

Тергеу изоляторы дәрігерлерінің сөзіне қарағанда, Нұрмыхановтың дене қызуы көтеріліп, оған анальгин және димедролдан укол салынған. Уколдан кейін тұтқынның жағдайы тіпті мүшкілденген, жедел жәрдем келгенге дейін өліп кеткен деп хабарлады Ratel.kz сайты.

Сайттың жазуынша, туыстары тергеу изоляторы өкілдерінің сөзіне күмән келтіреді. Олардың айтуынша, тұтқынның дәріге аллергиясы болмаған. Мәйітті тану үшін мәйітханаға барған кезде олар Нұрмыхановтың денесінің оң жағы, беті мен басы да көкпеңбек дақтарға толып кеткенін байқаған. Иығынан жараға ұқсас із білінген.

Сайттың жазуынша, сот-медициналық сараптама жасалғаннан кейін сарапшылар мәйіттің денесіндегі дақтар соққының нәтижесі ме, жоқ па, соны анықтауы тиіс. Нұрмыханов тергеуші қаулысымен 14 қарашада екі айға қамауға алынған. 14 қаңтарда түрмеде отыру мерзімі бітуі тиіс болған. Алайда дәл сол күні тергеу изоляторының өкілдері Нұрмыхановтың туыстарына хабарласып, тұтқынның мәйітін алып кету қажеттігін айтқан.

Нұрмыханов тұрмыстық сипаттағы оқиғаға байланысты қамауға алынған, бірақ полиция бұзақылық бойынша іс қозғаған. ЛА-155/18 мекемесінің бастығы Әсет Жұмадиев 15 қаңтарда Азаттық тілшісінің сұрақтарына жауап беруден бас тартып, "департаментке хабарласыңыз" деп қысқа қайырды. Республикалық қылмыстық атқару жүйесі комитетінің баспасөз хатшысы әзірге жауап бермеді.

Дереккөз: azattyq.org

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.