{metadescription}
Қазақстан министрліктерінде қысқарту болады

Қазақстан министрліктерінде қысқарту болады

Қысқартылған штаттан үнемделген ақша білікті, кәсіби мамандардың жалақысын арттыруға жұмсалады деп көзделіп отыр.

Министрліктерде қанша мемлекеттік қызметші жұмысынан босатылатыны осы жылдың желтоқсан айына дейін белгілі болады. Бұл кейбір өкілеттіктерді жергілікті атқарушы органдарға берумен байланысты болып отыр. Ұлттық экономика вице-министрі Айгүл Шайымова қанша мемлекеттік қызметші қысқартылатынын айтқан жоқ. Себебі қазір функционалды талдау жүргізіліп жатқанға ұқсайды. Министрліктерде қысқаратын штат саны тек соның қорытындысынан кейін белгілі болмақ.

"Кешенді талдау осы жылдың желтоқсанына дейін аяқталады", - деді Шайымова мәжіліс кулуарында. 

Ол мемлекеттік органда бір функцияны бір ғана адам атқармайтынын атап өтті. Бір қызметке бірнеше адам жұмылдырылуы мүмкін, сол себепті әр функцияны жеке дара қарастыру керек.

"Бұл бір күннің жұмысы емес. Белгілі бір уақытты қажет етеді. Парламентте заң жобасы қаралып біткенге дейін бұл жұмыс аяқталады деп ойлаймын", - деді вице-министр.

Шайымова бұл әлеуметтік мәселе болғандықтан, мемлекеттік қызметшілер механикалық түрде жаппай қысқартылмайды деп сендірді.

Кеше

Серіктестер жаңалықтары

Загрузка...
Қазір эфирде