{metadescription}
Петропавлда COVID-19 жұқтырған науқас туралы ақпарат жарияланды

Петропавлда COVID-19 жұқтырған науқас туралы ақпарат жарияланды

Ол Омбы қаласынан үйіне пойызбен келген.

Үйде тек анасымен бірге болды. Оның тапсырған сынамасы тағы да тексеріледі. 27 жастағы Петропавл тұрғынының коронавирус инфекциясын жұқтырғаны расталды. Ол Омбы қаласынан келген, деп хабарлады Солтүстік Қазақстан облысы денсаулық сақтау басқармасының жетекшісі Тимур Сұлтанғазиев брифингте.

Ол науқастың Ресейде оқитынын айтты.

"23 наурыз күні кешке транзиттік пойызбен келген. Онымен байланыста болған адамдар анықталып, карантинге жатқызылды. Науқас вокзалдан үйге барып, ешқайда шықпаған. Үйінде анасымен ғана болды. Келесі күні, 24 наурызда дене қызуы көтеріліп, жедел жәрдем шақырды. Ресейдегі эпидемиологиялық жағдайды ескеріп, жедел жәрдем бригадасы тиісті қорғаныс киімімен барды", - деді Сұлтанғазиев.

Облыстық денсаулық басқармасының басшысы қосымша сынама Алматыдағы зертханаға жіберілгенін айтты. Нақты қорытынды тұрғындарға хабарланады. Пациентте жөтел жоқ, тыныс алуы қиындамағанын жеткізді. Қызбен араласқан 13 адам анықталды. Олар COVID-19 жұқтырмаған. Қалғандары үй карантинінде. Сондай-ақ, пәтер мен кіреберіс "Диадез" құралымен залалсыздандырылды.

Қазақстандағы коронавирус туралы барлық ақпаратты мына жерден оқи аласыз.

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

24 қазан

Серіктестер жаңалықтары

Загрузка...
Қазір эфирде