{metadescription}
Алматыда маска сатып байымақ болғандар ұсталды

Алматыда маска сатып байымақ болғандар ұсталды

Алматыда маска сатумен айналысқан алыпсатарлар ұсталды.

Мамандардың айтуынша, бұл - осы қаладағы алтыншы жағдай. 22 наурызда ҚР ҚМ Қаржы мониторингі комитетінің Алматы экономикалық тексеру департаменті жалпы құны 90 000 000 теңге болатын 664 400 маска сатқан жеке тұлғаны ұстады.

«Жеке тұлға масканы рұқсат қағазынсыз саудалаған. Сонымен қатар оның жеке кәсіпкерлікті тіркеу нөмірі жоқ болып шықты», - деді департаменттен.

ҚР Президенті жанындағы төтенше жағдайды қамтамасыз ету бойынша мемлекеттік комиссияның №8 хаттамасына сәйкес, тәркіленген маска қалалық қоғамдық денсаулықты сақтау басқармасына берілді. Айта кету керек, ҚР ҚМ Қаржы мониторингі комитетінің таратқан ақпаратына сәйкес, 12 өңірлік экономикалық тексеру департаменттерінде осындай 17 дерек тіркелген. 3 миллионға жуық маска (2 932 019 штук) денсаулық сақтау басқармаларына берілді. Мұның алдында алыпсатарлардан тәркіленген маскалар қаладағы медицина мамандарына таратылғанын хабарлаған болатынбыз.

Қазақстандағы коронавирус туралы барлық ақпаратты мына жерден оқи аласыз.

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде