{metadescription}
Президент жарлығынан кейін Нұр-Сұлтанда неше адам әскерге шақырылатыны айтылды

Президент жарлығынан кейін Нұр-Сұлтанда неше адам әскерге шақырылатыны айтылды

Әскери міндеттілер арнайы жиындардан өту кезінде тамақ және киім-кешекпен, сондай-ақ орташа айлық еңбекақымен толық қамтамасыз етіледі.

Алғашқы кезеңде Нұр-Сұлтан қаласы бойынша 100 адам шақыру жоспарланған. Сондай-ақ, үміткерлердің жоғары білімі мен жұмыс тәжірибесіне және бұрын әскери қызметте болғанына басымдық беріледі. Президенттің әскери міндеттілерді арнайы жиындарға шақыру жөніндегі арнайы жарлығына сәйкес, Нұр-Сұлтан қаласының әкімі әскери міндеттілерді арнайы әскери жиынға шақыру туралы қаулы қабылдады. 

"Қаулыға сәйкес, алғашқы кезеңде әскери қызмет өткеруге денсаулығы жарамды 100 адам шақыру жоспарланып отыр. Іріктеу барысында үміткердің өз еркімен ниет білдіруіне, жоғары білімі мен жұмыс тәжірибесіне және қарулы күштер қатарында қызмет еткендігіне басымдық беріледі", – деді Нұр-Сұлтан қаласы әкімінің кеңесшісі Марат Қапаров.

Оның айтуынша, негізгі міндет – Нұр-Сұлтан қаласы бойынша коронавирус инфекциясының таралуын болдырмау,  инфекция анықталған қала нысандарын қорғау, төтенше жағдай режимі кезінде туындайтын басқа да міндеттерді орындау болып табылады.

Әскери міндеттілер арнайы жиындардан өту кезінде тамақ және киім-кешекпен, сондай-ақ орташа айлық еңбекақымен толық қамтамасыз етіледі. Әскери міндеттілер қаладағы кейбір оқу орындарының жатақханасына орналасады. Арнайы жауынгерлік жиындарға баруға ниет білдірушілер Нұр-Сұлтан қаласының қорғаныс істері жөніндегі департаментіне өтінім бере алады.

ЖӘНЕ ҚАРАҢЫЗ
ЖӘНЕ ОҚЫҢЫЗ

Серіктестер жаңалықтары

Загрузка...
Қазір эфирде