{metadescription}
Елжан Біртанов: Коронавирус инфекциясы бойынша жағдай Үкіметтің бақылауында

Елжан Біртанов: Коронавирус инфекциясы бойынша жағдай Үкіметтің бақылауында

Денсаулық сақтау министрі Елжан Біртанов Қазақстанда коронавирус инфекциясын жұқтыру көрсеткіші 3-5 пайыз деңгейінде екенін мәлім етті.

«Өкінішке қарай, коронавирус пандемиясы әлі де жалғасуда. Қазақстанда да коронавирус инфекциясының таралуы тоқтаған жоқ. Алайда, инфекцияның таралу қарқыны мен одан көз жұмғандардың санына назар аударсақ, әр елдің көрсеткіші әртүрлі. Қазіргі таңда біздің елде коронавирус жұқтырған 10 мыңнан астам тіркелді. Әйтсе де өсім қарқыны күніне 3-5 пайызды көрсетіп отыр. Көрсеткіштері жоғары аймақтар да бар. Дегенмен кейбір аймақта жағдай қалыпты», - деді Елжан Біртанов Денсаулық сақтау министрлігінің Facebook парақшасында.

Министрдің айтуынша, Қазақстанда коронавирус инфекциясы бойынша жағдай бақылауда.

«Кейінгі айда қарқынның 5 пайыздан аспағанын байқадық. Бұл дегеніміз коронавирус инфекциясы бойынша жағдай Үкіметтің бақылауында екенін білдіреді», - деді ол.

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде