{metadescription}
Қазақстанда өлім жазасы ресми түрде алынып тасталды

Қазақстанда өлім жазасы ресми түрде алынып тасталды

БҰҰ-ның штаб-пәтерінде Қазақстанның БҰҰ-дағы тұрақты өкілі Қайрат Омаров өлім жазасын алып тастауға бағытталған "Азаматтық және саяси құқықтар" туралы халықаралық екінші факультативті хаттамаға қол қойды.

"Өлім жазасын алып тастау туралы халықаралық хаттамаға қосылу туралы шешімді Қазақстан президенті Қасым-Жомарт Тоқаев БҰҰ бас ассамблеясының 75 жылдық мерейтойлық сессиясының жалпы саяси дебатында сөйлеген сөзінде жариялады", - деп хабарлады сыртқы істер министрлігі.

Мемлекет басшысы елімізде адам құқығына ерекше мән берілетіндіктен, осындай шешім қабылданғанын айтқан. 2019 жылдың желтоқсанында Тоқаев елдегі саяси реформаларды жүзеге асыру шеңберінде сыртқы істер министрлігіне "Азаматтық және саяси құқықтар" туралы халықаралық екінші факультативті хаттамасына қосылу процедурасын бастауды тапсырды.

Еске сала кетейік, бұған дейін өлім жазасына 2003 жылы Қазақстанның тұңғыш президенті Нұрсұлтан Назарбаев мораторий енгізген болатын. Ал 2014 жылы өлім жазасына кесудің орнына өмір бақи бас бостандығынан айыру жазасы ұсынылған.

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

24 қазан

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.