{metadescription}
СҚО-да 10 елді мекенде карантин күшейтілді

СҚО-да 10 елді мекенде карантин күшейтілді

Солтүстік Қазақстан облысында коронавирустың таралуына байланысты тағы 10 елді мекенде карантин талаптары күшейтіліп, тұрғындардың жүріп-тұруы шектелді.

СҚО Тауарлар мен көрсетілетін қызметтердің сапасы мен қауіпсіздігін бақылау департаменті баспасөз қызметінің мәліметінше, карантиндік шектеулер күшейтілген елді мекендердің саны 10-ға жетті. 9 қазан күні Булаев және Мамлютка қалалары карантинге жабылған еді. 12 қазан күні олардың қатарына Ақжар ауданының Казанское, Ленинградское елді мекендері қосылды.

14 қазан күні Шал ақын ауданының Повозочное, ал 16 қазан күні Тайынша ауданының Киров және Чермошнянка елді мекендерінде коронавирусты жұқтырғандар санының артуына байланысты карантин күшейтілді. Сондай-ақ Есіл ауданының Явленка, Покровка және Чириковка ауылдарында 17 қазаннан бері тұрғындардың жүріп-тұруына шектеу бар.

«Бұл елді мекендердің кейбіріне санитарлық бекеттер қойылды. Жалпы, мұндай бекеттерді қою-қоймауды жергілікті штаб пен полиция шешеді. Аудандардың бас санитариялық дәрігерлерінің қаулысы бойынша нысандар жұмыс істейді», - дейді баспасөз мамандары.

СҚО-да осы күнге дейін коронавирус инфекциясын жұқтырудың 4309 дерегі тіркелді. 4024 науқас жазылып шықса, 25-і қайтыс болды. СҚО Денсаулық сақтау басқармасы баспасөз қызметінің мәліметінше, қазір өңірдегі провизорлық стационарларда 146 орын бар, ол бүгінде 52% толық. Инфекциялық стационарларда 221 жатын орын болса, 35% науқастар ем алып жатыр. Өткен тәулікте облыста 1040 адамнан ПТР-тест алынса, соның сегізінде қауіпті ауру расталды. Қазіргі кезде науқастардың 9-ының жағдайы ауыр.

Дереккөз: ҚазАқпарат

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

27 қараша

Серіктестер жаңалықтары

Загрузка...
Қазір эфирде