{metadescription}
Назарбаев Nur Otan партиялық бақылау комитетінің төрағасын тағайындады

Назарбаев Nur Otan партиялық бақылау комитетінің төрағасын тағайындады

Артур Платонов 2016 жылдан бері парламент мәжілісінің депутаты болып еңбек етіп жүр.

Nur Otan партиясының төрағасы Нұрсұлтан Назарбаев Артур Платоновты партиялық бақылау комитетінің төрағасы етіп тағайындады. Бұл туралы партия төрағасының бірінші орынбасары Бауыржан Байбек хабарлады. 

"Партия лидері Нұрсұлтан Назарбаевтың қаулысымен Артур Платонов Nur Otan-ның партиялық бақылау комитетінің төрағасы болып тағайындалды", - деп жазды Байбек әлеуметтік желідегі парақшасында.

Ол Артур Платоновтың қоғамдық және партиялық жұмыста жинақтаған мол тәжірибесі комитет қызметін күшейте түсуге мүмкіндік беретініне сенімділік білдірді. Сонымен қатар мәжіліс төрағасының орынбасары болып сайланған комитеттің бұрынғы басшысы Павел Казанцевке атқарған жұмысы үшін алғыс айтты.

Айта кетсек, Артур Платонов 2016 жылдан бері мәжіліс депутаты болып еңбек етіп жүр. Ол халықаралық істер, қорғаныс және қауіпсіздік комитетінің мүшесі. Платоновты көпшілік "Портрет недели" телебағдарламасының жүргізушісі ретінде таниды. 

ЖӘНЕ ҚАРАҢЫЗ
ЖӘНЕ ОҚЫҢЫЗ

Серіктестер жаңалықтары

Загрузка...
Қазір эфирде
Для просмотра требуется поддержка flash и javascript.