{metadescription}
Ақтауда жоғалған қыздың мәйіті жағалаудан табылды

Ақтауда жоғалған қыздың мәйіті жағалаудан табылды

Бірнеше күн бұрын Ақтау қаласында 2002 жылы туған қыздың іздестіріліп жатқаны туралы ақпарат әлеуметтік желілерде тараған болатын.

Ақпараттық парақшаларда бойжеткен 23 ақпан күні кешкі уақытта 11-шағын аудандағы үйден шығып, таксимен теңіз жағалауына қарай бет алғаны айтылады. Содан кейін ол байланысқа шықпаған.

"Теңіз жағалауынан оның жеке заттары: курткасы мен жейдесі және ұялы телефоны табылды", – делінген хабарламада.

25 ақпан күні қыздың анасы полицияға хабарласып көмек сұрады. Сол күні полицейлер 4 "А" ықшамаудандағы жартасқа жақын маңнан қыздың мәйітін тапты және оның денесінде зорлық белгілері анықталмады.

"Аталған факті бойынша Қылмыстық кодекстің 105-бабы 1-бөлігі (өз-өзіне қол жұмсауға дейін жеткізу) бойынша сотқа дейінгі тергеу басталды", – делінген Маңғыстау облыстық полиция департаментінің хабарламасында.

Дереккөз: Sputnik

ЖӘНЕ ҚАРАҢЫЗ
ЖӘНЕ ОҚЫҢЫЗ

Серіктестер жаңалықтары

Загрузка...
Қазір эфирде