{metadescription}
Маман смартфондарда орнатылған танымал қосымшаны өте қауіпті деп атады

Маман смартфондарда орнатылған танымал қосымшаны өте қауіпті деп атады

Киберқауіпсіздік сарапшысы, америкалық Зак Доффман Forbes журналындағы мақаласында Android смартфондарының пайдаланушыларын "өте қауіпті" қосымшаны дереу жоюға шақырды.

Маман әлем бойынша 100 миллионнан астам қолданушы орнатқан SuperVPN қосымшасы (ақысыз және ақылы нұсқалар) туралы айтқан. Бағдарлама нақты IP мекенжайын ауыстырады және кейбір елдерде бұғатталған сайттарға кіруге мүмкіндік береді. Доффманның айтуынша, құпиялылық пен қауіпсіздікті қорғауға уәде беретін қызмет керісінше жұмыс істейді. Сарапшы SuperVPN-ді зиянды шпиондық бағдарламалық жасақтаманы жасырғаны және деректердің жайылып кеткені үшін айыптады.

Маман CyberNews тобының ақпан айындағы зерттеуіне сілтеме жасайды, онда хакерлер форумында пайдаланушылардың дерекқорларын сатудың кем дегенде үш әрекеті тіркелген. Олардың барлығы кезінде SuperVPN қосымшасын жүктеген. Сонымен қатар, CyberNews командасы Google Play дүкенінде әртүрлі бағдарламаушылардың бірдей сипаттамалары мен логотиптері бар кем дегенде алты ұқсас қосымшалар бар екенін ескетті.

 Зак  Доффман VPN орнатқысы келетіндерді дәлелденген шолулары бар танымал әзірлеушіні таңдауға шақырды. Сондай-ақ, ол тегін қосымшалардан аулақ болуға кеңес берді.

 

ЖӘНЕ ҚАРАҢЫЗ
ЖӘНЕ ОҚЫҢЫЗ

Серіктестер жаңалықтары

Загрузка...
Қазір эфирде