Дәрігерлер ағзасын алуға дайындап жатқан науқас тіріліп кетті
Ұлыбританияда таңғаларлық оқиға болды.
21:00 01.04.2021
Көлік астына түскен жас жігіт басынан қатты жарақат алып, ми функциясы тоқтап қалған. Туған-туыстар оның ағзаларын беруге келіскен. Бірақ дәрігерлер органдарды алуға дайындалып жатқанда жас жігіт тіріліп кетті.
18 жастағы Льюис Робертс фургонның астына түскен. Бұл оқиға 13 наруызда Стаффордшир графствосындағы Лик қаласында болды. Жасөспірім басынан және денесінен қатты жарақат алған. Оны бірден ауруханаға жеткізіп, шұғыл ота жасады. Ал төрт күннен кейін дәрігерлер ми функциясының тоқтап қалғанын, енді оны құтқару мүмкін емес екенін айтқан. Льюистің туған-туыстары қатты қайғырып, онымен қоштасып, кейіннен ағзаларын беруге келісті. Сөйтіп, жеті адамның өмірін сақтап қалуға шешім қабылдайды.
Содан кейін дәрігерлер жасөспірімнің ағзаларын алуға дайындала бастайды. Отаға бірнеше сағат қалғанда жасанды тыныс алдыру аппаратына қосылған Льюис өз күшімен ішіне дем тартады. Бастапқы кезде дәрігерлер де, пациенттің туыстары да бұл жағдайға сенбеді. Бірақ арнайы аппарат жас жігіттің өздігінен деп алып жатқанын анық көрсетіп тұрды.
"Осыдан кейін Льюистің жағдайы күн сайын жақсара берді. Қазір ауырсыну рефлексі пайда болғанымен, аяқ-қолын қозғап, басын ары-бері бұрады. Кірпігін қағып, аузы да қимылдайды", – дейді жасөспірімнің туыстары.
Осы оқиғадан кейін Ұлыбритания халқы жасөспірімге ақша жинай бастады.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!