{metadescription}
Құлақ көлінің жағасынан 4 адамның мәйіті табылды

Құлақ көлінің жағасынан 4 адамның мәйіті табылды

Тәжікстандағы Құлақ көлінің жағасынан төрт адамның мәйіті табылды.

Төртеуі де ағашқа асылып өлген. Тәжікстанда үш баланың анасы үйдегі жанжалдан кейін жантүршігерлік қылмысқа барды. Ол алдымен балаларын орамалға асып өлтірген, артынан өз-өзіне қол салды.

Демалыс күндері Пенджикент ауданындағы Некнот ауылының тұрғындары Құлақ көлінің бойында төрт адамның мәйітін тапты. Төртеуі де ағашқа асылып өлген. Біреуі 32 жастағы Шахло Шәріпова, үшеуі – балалары. Олар: 6 жасар Мухаммаджон, 4 жасар Шахноза бен сегіз айлық Әмина. Алдын ала болжамға сәйкес, келіншек алдымен өз балаларын асып өлтірген. Одан кейін өз-өзіне қол салды.

"10 сәуірде Некнотта той болған. Осы жиыннан кейін бір топ балалар Құлақ көлінің жағасына барды. Ол жерде үлкен бақ бар. Соған кірген бойда ағашқа асылып тұрған үш баланы және олардың анасын көрген. Төртеуі де алма ағашына орамалға асылып өлген", - дейді жергілікті тұрғындар.

Алма бағы марқұмдардың үйінен 300 метр жерде орналасқан. Өткен аптада ғана отағасы Лазиз Джураев ұлымен бірге 300 түп алма ағашын отырғызған болатын. Тура сол жерде төрт адамның мәйіті табылды, деп жазады sputnik. Ал ішкі істер органдары таратқан мәліметке сәйкес, Шахло Шәріпова үйдегі жанжалдан кейін балаларын өлтіріп, артынан өз-өзіне қол салған.

"10 сәуірде 20.12.1988 жылы туған Некнот ауылының тұрғыны Шахло Шәріпова отбасындағы жанжалдан кейін өз-өзіне қол саламын және балаларын өлтіремін деген ниетпен бәрін "Боги Ниёз" деген жерге алып барған. Сол жерде оларды орамалмен орап, ағашқа асып өлтірген. Осыдан кейін өзі асылып өлді", - делінген ресми хабарламада. 

Ауылдық кеңесінің басшысы Дониёр Ортиковтың айтуынша, қайғылы оқиға туралы ақпарат түстен кейін тараған.

"Шынымды айтсам, адамдардың айтқанына сене алмадым. Бірақ артынан өз көзімен көрдім. Біз марқұмның қайын атасымен және ауылдастармен бірге барып, мәйіттерді ағаштан түсіріп алдық", - дейді ол.

Қазіргі кезде тергеу шаралары басталды. Сот-медициналық сараптаманы өткізу үшін мәйіттерді Пенджикент қаласына жеткізді. Ал Некноттың тұрғындары Шахло Шәріпованың бірнеше жыл бұрын Душанбеден келгенін және  Джураевқа тұрмысқа шыққанын айтты.

"Қарапайым отбасы, бір аулада бірнеше жанұя тұрған. Бұрын Джураевтар малшылықпен айналысқан. Артынан егіншілікке ауысып кетті. Үйдегі жанжалдар немесе зорлық-зомбылық әрекеттері туралы естіген емеспіз ", - деді тұрғындар.

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде