{metadescription}
Елордада 16 жастағы қыз көпірден секіріп кетті

Елордада 16 жастағы қыз көпірден секіріп кетті

Елорданың 38 жастағы тұрғыны көпірден өзенге секірген қызды құтқарып қалды.

Нұр-Сұлтан қаласы Полиция департаментінің хабарлауынша, бүгін сағат 11.16-да «102» пультіне «Қазақстан» СК маңындағы көпірден бір қыздың өзенге секіргені туралы хабарлама келіп түскен. Оқиға кезінде жақын маңда болған 38 жастағы Денис Синдеев судағы қызға көмекке ұмтылады.

«Мен сол маңда тұрғанмын. Бір кезде адамдар қыздың суға секіргенін айтып шулап кетті. Жақындағанда су бетінде жанталасып жатқан қызды көрдім. Ойланбастан сырт киімімді шешіп, өзенге қойып кеттім», - дейді астаналық тұрғын.

Құтқарушы 16 жастағы қызды жағаға шығарып, оны дәрігерлерге тапсырды.

«Қазір оның өміріне ешқандай қауіп жоқ. Оқиғаның мән-жайын полицейлер анықтап жатыр. Елордалық полиция департаментінің басшысы Ержан Сәденов Денис Синдеевке ерен еңбегі үшін алғыс айтып, Алғыс хат пен бағалы сыйлық табыс етті», - деп жазады Нұр-Сұлтан қаласы Полиция департаментінің баспасөз қызметінен.

Дереккөз: ҚазАқпарат

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде