{metadescription}
Қазақстандықтар енді Ресейге үшінші елдерден ұшып бара алады

Қазақстандықтар енді Ресейге үшінші елдерден ұшып бара алады

Қазақстандықтар Ресей Федерациясына үшінші елдер арқылы ұша мүмкіндік алады.

Бұл туралы Қазақстанның Ресейдегі елшілігі хабарлады. Жаңа тәртіп Ресей Федерациясы үкіметінің 2021 жылғы 14 сәуірдегі No 963-р қаулысымен қарастырылған.

"Енді Қазақстан азаматтары Ресейге тұрақты әуе қатынасын қалпына келтірген барлық елдердің рейстерімен ешқандай кедергісіз ұшып келе алады", - делінген хабарламада.

Қазіргі уақытта Ресей Қазақстан, Ұлыбритания (2021 жылдың 1 маусымына дейін тоқтатылды), Танзания (белгісіз мерзімге тоқтатылды), Түркия, Швейцария, Египет, Мальдив аралдары, Біріккен Араб Әмірліктері, Қырғызстан, Корея Республикасы, Куба, Сербия, Жапония, Сейшел аралдары, Эфиопия, Вьетнам, Үндістан, Катар, Финляндия, Әзірбайжан, Армения, Греция, Сингапур, Венесуэла, Германия, Сирия, Тәжікстан, Өзбекстан, Шри-Ланка сияқты мемлекеттермен тұрақты жолаушылар рейстерін жүзеге асырады.

Естеріңізге сала кетейік, бұған дейін қазақстандықтар Ресейге тек Қазақстаннан тікелей рейстермен ұшатын, ал үшінші елдер арқылы транзит осы мемлекеттерде тұруға ықтиярхаты болған жағдайда ғана мүмкін болатын. Қазіргі уақытта мұндай ережелер Беларусь еліне қатысты ғана сақталған, ол жерден Қазақстан азаматтары осы елде тұруға ықтиярхаты болған жағдайда ғана Ресейге ұша алады. Сондай-ақ, Ресейге кіру кезінде шетелдік азаматтарға 72 сағатқа дейін берілген ПТР сынағының теріс нәтижесі бар анықтамасы қажет екендігі хабарланған.

ЖӘНЕ ҚАРАҢЫЗ
ЖӘНЕ ОҚЫҢЫЗ

Кеше

Серіктестер жаңалықтары

Загрузка...
Қазір эфирде